ఝుమ్మందినాదంతో తెలుగు ప్రజలకు పరిచయం అయిన తాప్సీ. ఆ తర్వాత వరుసగా తెలుగు సినిమాలో టాప్ హీరోలతో అవకాశాలు అందుకున్న ఆశించిన స్థాయిలో విజయాలు దక్కకపోవడంతో తాప్సీ బాలీవుడ్‌కు షిఫ్ట్ అయ్యింది. అక్కడ పింక్ సినిమాతో మంచి విజయాలు సాధించి…ప్రస్తుతం చేతి నిండా సినిమాలతో బిజీగా గడుపుతోంది. గతంలోనే తాప్సీ దక్షిణాది సినిమాలపై వివాదాస్పద వ్యాఖ్యలు చేసిన విషయం తెలిసిందే. అయితే తాజాగా మరొకసారి దక్షిణాది సినిమాలపై సంచలన కామెంట్స్ చేసి వార్తల్లో నిలిచింది.
Also read: మమ్మీ కాబోతున్న గోవా బ్యూటీ.. నిజమెంత..!
ఇటీవల ఓ ఇంటర్వ్యూలో పాల్గొన్న తాప్సీ మాట్లాడుతూ..దక్షిణాది సినిమాల్లో నటించడం వల్ల తనకు గుర్తింపు రాలేదని చెప్పింది. నటిగా నిరూపించుకోవడానికి అవసరమైన పాత్రలు రాలేదని తెలిపింది. స్టార్ హీరోయిన్‌గా కొనసాగినప్పటికీ అక్కడ మంచి క్యారెక్టర్స్ దొరకలేదని చెప్పింది. బాలీవుడ్‌లో తనకెంతో గుర్తింపు వచ్చిందంటూ పొగడ్తలతో ముంచెత్తింది. అయితే ఈ వ్యాఖ్యలతో తాప్సీ మరోసారి ట్రలోర్స్‌కు అడ్డంగా బుకైంది. టాలీవుడ్‌లో గుర్తింపు వచ్చింది కాబట్టే బాలీవుడ్‌లో అవకాశం వచ్చిందని కామెంట్స చేస్తున్నారు. ప్రస్తుతం తాప్సీ హిందీ తమిళ చిత్రాలతో బిజీగా గడుపుతోంది.
Also read: మంచు వారి పెళ్లి వీడియో..!
