జపాన్ ప్రధాని ఫుమియో కిషిదాపై గుర్తుతెలయని వ్యక్తి స్మోక్ బాంబు విసిరారు. దీంతో అప్రమత్తమైన పోలీసులు నిందితుడ్ని అదుపులోకి తీసుకున్నారు. వకయామా సిటీలో సైకాజికి పోర్ట్‌లో పర్యటనలో భాగంగా… అక్కడే ఏర్పాటు చేసిన సభలో ప్రసంగించే ముందు కొన్ని సెకన్ల వ్యవధిలో ఈ ఘటన చోటు చేసుకుంది. దీంతో ఒక్కసారిగా అంతా ఉలిక్కిపడి అక్కడి నుంచి పరుగులు పెట్టారు. అప్రమత్తమైన భద్రతా సిబ్బంది ప్రధానిని వెంటనే అక్కడే నుంచి సురక్షిత ప్రాంతంకు తరలించారు. ఈ ఘటనలో ప్రధానికి ఏలాంటి ప్రమాదం జరగలేదని అధికారులు దృవీకరించారు. ప్రస్తుతం దీనికి సంబంధించిన విజువల్స్‌ సోషల్‌మీడియాలో వైరల్‌గా మారాయి. కాగా మాజీ ప్రధాని షింజోఅబే ను కూడా గుర్తు తెలియని వ్యక్తులు అత్యంత సమీపం నుండి కాల్పులు జరిపిన విషయం తెలిసిందే. ఈ ఘటనలో తీవ్రంగా గాయపడిన అబే…చికిత్స తీసుకుంటూ ప్రాణాలు కోల్పోయారు. అయితే ప్రస్తుత ప్రధానిపై కూడా ఇలాంటి ఘటన చోటుచేసుకుంది. మరికొన్ని రోజుల్లో జీ7దేశాల సమావేశం ఉన్నందున్న ఇలాంటి ఘటన చోటుచేసుకోవడంతో భద్రతాపరమైన ఆంశాలపై తీవ్ర కలకలం రేపుతోంది.
ఇవి కూడా చదవండి…
