క్రియేటివ్ దర్శకుడు గుణశేఖర్ దర్శకత్వంలో స్టార్ హీరోయిన్ సమంత ప్రధాన పాత్రలో తెరకెక్కిన మైథాలాజికల్‌ మూవీ ‘శాకుంతలం’. ఈ సినిమా ప్రమోషన్స్‌లో బీజీగా ఉంది సమంత. ఈ మూవీలోని తన పాత్ర గురించిన వీడియో తన ఇన్‌స్టాలో షేర్‌ చేసింది. ‘శకుంతలకు జీవితంలో కష్టాలు ఎదురైనా.. ఎన్నో సందర్భాల్లో చాలా హుందాగా ప్రవర్తించింది. ఆమె ఒక యువరాణి, ఆ పాత్ర పోషించినందుకు సంతోషంగా ఉంది. ఈ సినిమాను ప్రేక్షకులు ఆదరిస్తారనే నమ్మకం ఉంది’ అని సమంత తెలిపింది.
అలాగే ఈ సినిమాకి సంబంధించి పలు ఆసక్తికర విషయాలను గుణశేఖర్ షేర్‌ చేసుకున్నారు. ఈ మూవీలో హీరోహిరోయిన్ల పాత్రల కోసం రూ.14 కోట్ల విలువ చేసే నిజమైన బంగారు, వజ్రాభరణాలు వాడినట్లు వెల్లడించారు. దానవీరశూరకర్ణ సినిమాలో ఎన్టీఆర్ వాడిన బంగారు కిరీటం స్ఫూర్తితోనే ఈ అభరణాలు వినియోగించినట్లు చెప్పారు. మరి, ఒక హీరోయిన్ సినిమా కోసం రూ.14 కోట్ల విలువ చేసే నిజమైన బంగారు, వజ్రాభరణాలు వాడటం అంటే.. నిజంగా విశేషమే. పైగా ఈ సినిమా కోసం ఖర్చు విషయంలో నిర్మాతలు ఎక్కడా కాంప్రమైజ్ కాలేదు.
మరి వారి కష్టానికి ప్రతిఫలం దక్కుతుందా ?. ప్రముఖ నిర్మాత ‘దిల్‌’ రాజుతో కలసి గుణ శేఖర్‌ తనయ నీలిమ గుణ ఈ చిత్రాన్ని భారీ స్థాయిలో నిర్మిస్తున్నారు. సమంత కీలక పాత్రలో నటించిన ఈ సినిమా ఏప్రిల్ 14న రిలీజ్ కాబోతుంది. ఇందులో భాగంగా చిత్రబృందం ప్రమోషన్స్ మొదలుపెట్టింది.
ఇవి కూడా చదవండి…
