ప్రస్తుతం యంగ్ హీరో కిరణ్ అబ్బవరం ఎక్కువ గ్యాప్ లేకుండా రెండు నెలలకో సినిమాతో ప్రేక్షకుల ముందుకొస్తున్నాడు. తాజాగా ఈ కుర్ర హీరో వినరో భాగ్యము విష్ణు కథ అనే సినిమాతో థియేటర్స్ లోకి వచ్చాడు. సినిమా ఇంకా థియేటర్స్ లో ఉండగానే తాజాగా కొత్త సినిమా రిలీజ్ డేట్ ప్రకటించాడు. నెల గ్యాప్ లోనే మరో సినిమాను రిలీజ్ కి రెడీ చేసేశాడు.
మైత్రి మూవీ మేకర్స్ బేనర్ లో కిరణ్ ‘మీటర్’ అనే సినిమా చేస్తున్నాడు. ఈ సినిమాకు సంబంధించి తాజాగా రిలీజ్ డేట్ ఎనౌన్స్ చేశారు. రమేష్ అనే డెబ్యూ డైరెక్టర్ ఈ సినిమాతో దర్శకుడిగా పరిచయం అవ్వబోతున్నాడు. మాస్ కంటెంట్ తో యాక్షన్ సినిమాగా మీటర్ తెరకెక్కుతుంది.
మీటర్ తో ఏప్రిల్ లో ప్రేక్షకుల ముందుకు రాబోతున్నాడు కిరణ్. ఏప్రిల్ 7 న ఈ సినిమా రిలీజ్ కానుంది. అదే రోజు రవితేజ రావణాసుర థియేటర్స్ లోకి వస్తుంది. మరి మాస్ మహారాజ తో పోటీ పడి ఈ కుర్ర మంచి ఓపెనింగ్స్ రాబట్టుకుంటాడా ? లేదా చూడాలి.
ఇవి కూడా చదవండి…
