నేషనల్ స్టార్ ప్రభాస్ హీరోగా, మ‌హాన‌టి ఫేమ్ నాగ్ అశ్విన్ ద‌ర్శ‌క‌త్వంలో వ‌స్తున్న ‘ప్రాజెక్ట్ కె’ సినిమా గురించి కొత్తగా అదిరిపోయే అప్ డేట్ వినిపిస్తోంది. హై రేంజ్ లో ఈ సినిమా నైజాం ఏరియా హక్కులు అమ్ముడుపోయ్యాయి. పైగా ఇప్పటివరకూ ఏ స్టార్ హీరో సినిమాకి ఇవ్వని భారీ మొత్తాన్ని ప్రభాస్ సినిమాకి ఇచ్చి కొనుక్కున్నారు డిస్ట్రిబ్యూటర్స్. ఇంతకీ ‘ప్రాజెక్ట్ కె’ నైజాం హక్కులు అమ్ముడుపోయాయో తెలుసా ? అక్షరాలా 70 కోట్లకు.
ఈ రేంజ్ లో అమ్ముడు పోవడం నిజంగా ఒక రికార్డు అని అంటున్నారు బయ్యర్లు. నైజాం నవాబ్ ప్రభాస్ అని సోషల్ మీడియాలో ప్రస్తుతం ఈ వార్త వైరల్ గా మారింది. ఇక ఈ సినిమా కథ విషయానికి వస్తే… చాలా రకాల రూమర్లు వినిపించాయి. నాగ్ అశ్విన్ ప్రత్యేకంగా డిజైన్ చేసిన సరికొత్త నేపథ్యంలో సినిమా నడుస్తోంది అని, అవతార్ సిరీస్ లో జేమ్స్ కామెరూన్ ఎలా అయితే.. కొత్త లోకంలోకి తీసుకు వెళ్ళాడో.. నాగ్ అశ్విన్ కూడా అలాంటి సరికొత్త సినిమాని తీస్తున్నాడట.
అందుకే, ఇంతవరకూ తెలుగు సినిమా చూడని నేపథ్యాన్ని ఈ సినిమాలో చూపించడానికి నాగ్ అశ్విన్ బాగా కష్టపడుతున్నాడట. మరి ఆ నేపథ్యం ఏమిటో చూడాలి. ఐతే పక్కా సైన్స్‌ ఫిక్షన్‌ కథాంశంతో ఈ సినిమా తెరకెక్కుతుందని టాక్ ఉంది. అందుకే, ఈ ‘ప్రాజెక్ట్ కె’ కోసం సీనియర్ దర్శకుడు సింగీతం శ్రీనివాసరావు ను స్క్రీన్‌ప్లే పర్యవేక్షకుడిగా పెట్టుకున్నారు. ప్రభాస్ సరసన బాలీవుడ్ బ్యూటీ దీపికా పదుకొనే హీరోయిన్ గా నటిస్తున్న సంగతి తెలిసిందే.
ఇవి కూడా చదవండి..
