సీతారామం సినిమాతో మృణాల్ ఠాకూర్ కి ఫుల్ క్రేజ్ వచ్చింది. హోమ్లీ లుక్స్ లో డీసెంట్ యాక్టింగ్ తో మృణాల్ ఠాకూర్ ప్రేక్షకులను చాలా అద్భుతంగా ఆకట్టుకుంది. ఐతే, తనలో మంచి నటితో పాటు ఓ కమర్షియల్ హీరోయిన్ కూడా ఉందని మృణాల్ ఠాకూర్ ఆ మధ్య కామెంట్స్ చేసింది. ఇప్పుడు ఆ కామెంట్స్ కి తగ్గట్టుగానే, అమ్మడు తన సినీ కెరీర్ ను ప్లాన్ చేసుకుంటుంది. తనకు వచ్చిన ఇమేజ్ ను క్యాష్ చేసుకోవడానికి మృణాల్ ఠాకూర్ తెగ ప్రయత్నాలు చేస్తోంది. మొదట్లో నిర్మాతలు ఎంత ఇస్తే అంత తీసుకునేది. కానీ, సీతారామం హిట్ పడ్డాక తన రేటును అమాంతం పెంచేసింది.
పైగా స్టార్ హీరోల సినిమాల్లో ఛాన్స్ ల కోసం మృణాల్ సరికొత్త ప్రయత్నాలు చేస్తోంది. అందుకే, చిన్నాచితకా హీరోలకు మృణాల్ ఠాకూర్ తన రెమ్యునరేషన్ ను రెండింతలు చేసి చెబుతుంది. మృణాల్ ఠాకూర్ ఒక్కో సినిమాకి ఇప్పుడు సుమారు కోటిన్నర అడుగుతుందని టాక్. పైగా హీరో రేంజ్ ను బట్టి డబ్బులు డిమాండ్ చేస్తోందట. మొత్తానికి మృణాల్ ఠాకూర్ చాలా తక్కువ సమయంలోనే ఇండస్ట్రీలో బాగా తెలివిమీరి పోయిందని గుసగుసలు మొదలయ్యాయి. పైగా సీనియర్ హీరోయిన్స్ కే సాధ్యం కానీ, కొన్ని మేనేజ్ మెంట్లను మృణాల్ ఠాకూర్ చాలా సింపుల్ గా మ్యానేజ్ చేసుకుంటూ పోతుందట.
సీరియల్ నటిగా మృణాల్ ఠాకూర్ జర్నీ స్టార్ట్ అయ్యింది. అందుకే కాబోలు.. తెలుగు ఇండస్ట్రీ వ్యవహారాలను మృణాల్ చాలా త్వరగా ఒంటబట్టించుకుంది. అన్నట్టు మృణాల్ ఠాకూర్ కి అటు తమిళంలోనూ సినిమాలు వస్తున్నాయి. పైగా ఏ ఇండస్ట్రీకి వెళ్తే.. ఆ ఇండస్ట్రీ పద్దతులను ఫాలో అవుతూ.. అక్కడ హీరోలను డైరెక్టర్లను మృణాల్ ఠాకూర్ మెప్పిస్తోంది. ఎలాగూ ఈ మధ్య మృణాల్ ఠాకూర్ గ్లామర్ డోస్ కూడా పెంచింది. దానికి తోడు ఎక్కువగా పార్టీలకు అటెండ్ అవుతూ స్టార్ హీరోలను నిర్మాతలను రెగ్యులర్ గా కలుస్తోంది. బిగ్ ఛాన్స్ ల కోసం తన వంతుగా మృణాల్ ఠాకూర్ తనదైన కసరత్తులు చేస్తోంది. మెల్లగా తన గ్లామర్ రూట్ లో స్పీడ్ బేకర్లను తొలగించేసి.. ఘాటుగా అందాల ప్రదర్శనకు తెర తీస్తోంది. మరి మృణాల్ ఠాకూర్ ఏ రేంజ్ కి వెళ్తుందో చూడాలి.
ఇవి కూడా చదవండి…
