సుధీర్ బాబు హీరోగా నటించిన లేటెస్ట్ మూవీ ‘హంట్’. భవ్య క్రియేషన్స్ పతాకంపై ప్రముఖ నిర్మాత వి. ఆనంద ప్రసాద్ నిర్మించారు. మహేష్‌ దర్శకత్వం వహించారు. రిపబ్లిక్ డే కానుకగా జనవరి 26న థియేటర్లలో విడుదల కానుంది. పాన్ ఇండియా డార్లింగ్, రెబల్ స్టార్ ప్రభాస్ సినిమా ట్రైలర్ విడుదల చేశారు.
‘హంట్’ సినిమాలో మెమరీ లాస్ అయిన అసిస్టెంట్ కమిషనర్ అర్జున్ పాత్రలో సుధీర్ బాబు నటించాడు. ట్రైలర్ విషయానికి వస్తే… ”ఏ కేసును అయితే అర్జున్ మొదలుపెట్టి సాల్వ్ చేయలేకపోయాడో… అదే కేసును ఇప్పుడు ఈ అర్జున్ సాల్వ్ చేయాలి” అని శ్రీకాంత్ చెప్పే డైలాగుతో ట్రైలర్ స్టార్ట్ అయ్యింది. టీజర్‌లో కూడా ఆయన ఈ మాట చెప్పారు. ఆ కేసు ఏమిటన్నది ట్రైలర్‌లో చూపించారు. పట్టపగలు ఓ అసిస్టెంట్ కమిషనర్ హత్యకు గురవుతారు. ఆ కేసు ఇన్వెస్టిగేట్ చేసే క్రమంలో హీరోకు ఎటువంటి పరిస్థితులు ఎదురు అయ్యాయి? ఏం చేశారు? అనేది ఆసక్తికరం.
మెమరీ లాస్‌కు ముందు జరిగిన ఘటనలు, వ్యక్తులు గుర్తు లేకపోవడంతో అర్జున్ కొత్తగా కేసును ఇన్వెస్టిగేట్ చేయడం స్టార్ట్ చేస్తారు. రోజుకు ఒక కొత్త అనుమానితుడి పేరు వస్తుంది. దానికి తోడు 18 రోజుల్లో కేసును పరిష్కరించాలని టార్గెట్. అప్పుడు అర్జున్ ఏం చేశాడు? థ్రిల్లింగ్ జర్నీగా ఉండబోతుందని ట్రైలర్ చూస్తే అర్థం అవుతోంది.
కంప్లీట్ ఇన్వెస్టిగేషన్ రిపోర్ట్, 18 రోజుల్లో సంపాదించిన క్లూస్ శ్రీకాంత్‌కు సుధీర్ బాబు ఎందుకు ఇచ్చారు? రెండూ ఒకేసారి చదవమని ఎందుకు చెప్పారు? ఆ బ్లాంక్ పేజీ ఏమిటి? అనేది మరింత క్యూరియాసిటీ పెంచింది. హాలీవుడ్ స్థాయిలో యాక్షన్ స్టంట్స్ ఉన్నాయి. నేపథ్య సంగీతం, సినిమాటోగ్రఫీ బావున్నాయి.
”నువ్వు లూజ్ అయ్యింది నీ మెమరీ మాత్రమే… నీ ఆలోచనా శక్తి కాదు” అని సుధీర్ బాబుతో శ్రీకాంత్ చెప్పే మాట హీరో బుద్ధి బలాన్ని చెబుతోంది. ఓవరాల్ గా ట్రైలర్ చూస్తే మంచి యాక్షన్ థ్రిల్లర్ అనిపిస్తుంది. మరి సుదీర్ బాబు కి ఈ సినిమా విజయం అందిస్తుందా ? చూడాలి.
ఇవి కూడా చదవండి…
