వరుస సినిమాలతో బిజీగా మారుతున్న ప్రభాస్…స్పిరిట్ నుంచి మరో తాజా ఆప్‌డేట్ వచ్చింది. ఇప్పటికే రెండు మూడు సినిమాలతో బిజీ గడుపుతున్నారు డార్లింగ్‌. ఇప్పటికే ఆదిపురుష్‌ సినిమా విడుదలకు సిద్ధంగా ఉంది. కానీ ఇందులో కొన్ని విజువల్‌ ఎఫెక్ట్స్‌ మార్చాల్సి ఉంది. దీంతో ఈ సినిమాలో జూలై నెల్లో విడుదల చేయడానికి సిద్ధం చేస్తున్నారు. మరోవైపు సలార్ షూటింగ్ కూడా దాదాపుగా అయిపోతుంది.
నాగ్ ఆశ్విన్ దర్శకత్వంలో తెరకెక్కుతున్న పాన్ వరల్డ్‌ సినిమా ప్రాజెక్ట్‌ కే సినిమా కూడా త్వరగా సినిమా చిత్రీకరణ పనులు చేసుకొంటుంది. అయితే సందీప్ వంగా తెరకెక్కించే సినిమా స్పిరిట్ సినిమాలో ప్రభాస్ పోలీసు పాత్రలో కనిపించనున్నాడని టాలీవుడ్‌లో సమాచారం. ఇంతవరకు పోలీస్‌ పాత్రలో కనిపించని ప్రభాస్ కొత్త కాన్సెప్ట్‌తో ముందుకు రానున్నారు.
స్పిరిట్ సినిమాను ఈ యేడాది చివర్లో పట్టాలెక్కనుందని నిర్మాత భూషణ్ కుమార్ తెలిపారు. కాగా ప్రభాస్ ఇప్పటివరకు పోలీసు పాత్రలో కనిపించని ప్రభాస్‌ను ప్రేక్షకులు ఏమేరకు ఆకట్టుకుంటారో వేచి చూడాలి. అన్నట్టు ప్రస్తుతవ సందీప్ వంగా రణ్‌బీర్‌కపూర్‌తో కలిసి యానిమల్ సినిమాను చేస్తున్నారు. ఈ సినిమా ఆగస్టు 11న విడుదల చేయనున్నట్టు బాలీవుడ్‌ సమాచారం.
ఇవి కూడా చదవండి…
