తిరుమల భక్తులకు శుభవార్త. శ్రీవారి ప్రత్యేక దర్శనం టీకెట్లను విడుదల చేసింది టీటీడీ. రూ.300 ప్రత్యేకప్రవేశ దర్శన టికెట్లు జనవరి 12 నుంచి 31వ తేదీ వరకు, ఫిబ్రవరి నెలకు గాను రూ.300 దర్శన టికెట్ల కోటా విడుదల చేసింది. రోజు వారి ఇరవై వేల చొప్పున ఈరోజున ఉదయం 10గంటలకు ఆన్‌లైన్‌లో టీటీడీ వెబ్‌ సైట్‌లో అందుబాటులో ఉంటాయి.
ప్రతి నెల చివరి వారంలో ఆర్జిత సేవలు, ప్రత్యేక ప్రవేశ దర్శన టిక్కెట్లు, వర్చువల్ సేవల టికెట్స్, నిత్యసేవ లక్కీ డిప్ విడుదల చేస్తుంది టీటీడీ. ప్రతి నెల 20 నుంచి 25 లోపే దర్శన టిక్కెట్ల విడుదల ప్రక్రియ రోజుకొక కోట విడుదల చేస్తూ వచ్చేది.
జియో క్లౌడ్ వర్చువల్ క్యూ విధానం ద్వారా సైట్ డౌన్ అవ్వకుండా ప్రత్యేక చర్యలు తీసుకుంది టీటీడీ. ఇక ప్రతి నెల మాదిరి గానే పది రోజుల ముందే మరుసటి నెలకు సంబంధించిన ప్రత్యేక ప్రవేశ టోకెన్లు టిటిడి జారీ చేస్తూ వస్తుంది.
భక్తులు https://tirupatibalaji.ap.gov.in అనే వెబ్‌ లింక్‌లో టికెట్ పొందవచ్చు.ఈ అవకాశాన్ని సద్వినియోగం చేసుకోవాలని టిటిడి విజ్ఞప్తి చేసింది.
ఇవి కూడా చదవండి..
