తెలంగాణలో నిరుద్యోగులకు మరో తీపికబురు అందించింది రాష్ట్ర సర్కార్‌. ఇప్పటికే పలు శాఖల్లో ఉద్యోగాల భర్తీకి నోటిఫికేషన్‌ విడుదల చేసిన రాష్ట్ర ప్రభుత్వం తాజాగా మరో 207 ఉద్యోగాల భర్తీకి నోటిఫికేషన్‌ ఇచ్చింది. ఈ మేరకు టీఎస్‌పీఎస్సీ రెండు వేర్వేరు నోటిఫికేషన్లను జారీ చేసినట్లు టీఎస్‌పీఎస్సీ సెక్రటరీ అనితా రామచంద్రన్ పేర్కొన్నారు.
వెటర్నరీ డిపార్ట్‌ మెంట్‌ లో 185 అసిస్టెంట్‌ సర్జన్ పోస్టులకు ఈ నెల 30 నుంచి జనవరి 19వ తేదీవరకు దరఖాస్తులను స్వీకరించనున్నట్లు ఆమె తెలిపారు. హార్టికల్చర్‌ డిపార్ట్‌ మెంట్‌ లో 22 హార్టికల్చర్‌ ఆఫీసర్‌ ఉద్యోగాలకు వచ్చే ఏడాది జనవరి 3 నుంచి 24 వరకు దరఖాస్తులను స్వీకరించనున్నట్లు తెలిపారు. ఇక దరఖాస్తు తేదీల గడువు పొడిగింపు ఉండదని, అభ్యర్థులు వీలైనంత తొందరగా దరఖాస్తు చేసుకోవాలని కోరారు. అభ్యర్థులు పూర్తి వివరాలకు https://www. tspsc. gov.inలో సంప్రదించాలని అనితా రామచంద్రన్ సూచించారు.
