బాలయ్య బాబు వరుసగా సినిమాలు ప్లాన్ చేస్తున్నారు. డిజాస్టర్లు ఇచ్చి, చిరకాలంగా దర్శకత్వానికి దూరంగా వున్న వైవియస్ చౌదరికు కూడా అవకాశం ఇచ్చే ఆలోచనలో ఉన్నారు బాలయ్య. మరోపక్క కిందా మీదా పడుతూనే గోపీచంద్ మలినేని డైరక్షన్ లో వీరసింహా రెడ్డి సినిమా పూర్తి చేశారు. మరి వివి వినాయక్ తో ఎందుకు సినిమా చేయకూడదు. ఫ్యాన్స్ అంతా ఒక యాంగిల్ లో నందమూరి బాలకృష్ణను చూస్తే.. చెన్నేకేశవ రెడ్డిలో వినాయక్ మరోలా చూసారు. శరభ శరభా అంటూ బాలయ్య చేసిన హడావుడి అప్పట్లో ఫ్యాన్స్ కి బాగా నచ్చింది.
చెన్నేకేశవ రెడ్డి సినిమా ఎంత హిట్ అన్నది పక్కన పెడితే కచ్చితంగా ఓకె అనిపించుకున్న సినిమా. పైగా ఎన్టీఆర్, చరణ్, రవితేజ, చిరంజీవి లాంటి హీరోలకు మంచి హిట్స్ ఇచ్చిన వినాయక్, ఓ మాంచి కిక్కిచ్చే హిట్ ను బాలయ్యకి ఇవ్వలేడా?, బాలయ్య కోసం వినాయక్ ఓ పక్కా మాస్ సినిమా రెడీ చేయలేరా ?, బాలయ్య ఫ్యాన్స్ కు కావాల్సిన పాటలు, ఫైట్లు, ఫన్ పండించలేరా? మరి బాలయ్య ఆ దిశగా ఎందుకు ఆలోచించడం లేదో?.
ఇప్పుడు అయినా బాలయ్య ఆ దిశగా ఆలోచిస్తే భలేగా వుంటుంది కదా?. నిజానికి బాలయ్య యాక్షన్ టైమింగ్ అదిరిపోతుంది. అది అందరికీ తెలిసిందే. దానికి కాస్త భారీ తనం తోడయిన టేకింగ్ ఉంటే.. సినిమా ఓ రేంజ్ లో వుంటుంది. వినాయక్ ప్రస్తుతం భారీ సినిమా చేసే పరిస్థితి లేదు. అలా అని ఏ సినిమా పడితే ఆ సినిమా చేయడు. ఇలాంటి టైమ్ లో బాలయ్య కనుక తలుచుకుంటే వినాయక్ తో ఓ సినిమా చేయడం అన్నది పెద్ద విషయం కాదు.
ఇవి కూడా చదవండి…
