తెలుగులో ఈ వారం రవితేజ ధమాకా , నిఖిల్ 18 పేజిస్ సినిమాలు ప్రేక్షకుల ముందుకు రానున్నాయి. అయితే ఈ రెండు సినిమాలపై ఓ మోస్తారు అంచనాలు ఉన్నాయి. రవితేజ ప్రస్తుతం వరుస ఫ్లాపులతో ఉన్నాడు. ధమాకా రవితేజ కి ఈ ఏడాది ఓ హిట్ ఇస్తుందని ఫ్యాన్స్ ఆశిస్తున్నారు. ఇక కార్తికేయ 2 తర్వాత నిఖిల్ పాన్ ఇండియా హీరో అయిపోయాడు. నార్త్ లో మంచి ఇమేజ్ తెచ్చుకున్నాడు.
పాన్ ఇండియా సక్సెస్ తర్వాత వస్తున్న సినిమా కావడంతో ప్రేక్షకుల్లో నిఖిల్ సినిమాపై మంచి ఎక్స్ పెక్టేషన్స్ ఉన్నాయి. అయితే ఈ రెండు సినిమాలతో పాటు రెండు తమిళ డబ్బింగ్ సినిమాలు కూడా రిలీజ్ అవుతున్నాయి. వాటిలో ఒకటి విశాల్ ‘లాఠీ’, మరొకటి నయనతార ‘కనెక్ట్’. ఇప్పటికే విశాల్ హైదరాబాద్ వచ్చి ఈవెంట్ చేశాడు. తిరుపతి లో కూడా ప్రీ రిలీజ్ ఈవెంట్ తో సందడి చేస్తున్నాడు.
ఇక నయనతార సినిమాకు ప్రమోషన్ లేదు. కానీ ఈ సినిమాను తెలుగులో యూవీ క్రియేషన్స్ రిలీజ్ చేస్తుండటంతో మంచి రిలీజ్ ఉండనుంది. గతంలో నయనతారతో ఓ హారర్ సినిమా చేసిన అశ్విన్ శరవణన్ ఈ సినిమాకు దర్శకుడు. మరి స్ట్రైట్ సినిమాలతో ఈ డబ్బింగ్ సినిమాలు ఎలాంటి కలెక్షన్స్ అందుకుంటాయో ? ఎలా నెట్టుకొస్తాయో ?
ఇవి కూడా చదవండి…
