సూపర్ స్టార్ మహేష్ బాబుతో త్రివిక్రమ్ చేసే మూవీ కథేంటి ? జోనర్ ఏంటీ ? అనే ప్రశ్నలు అభిమానులను తొలిచేస్తున్నాయి. ఈ క్రమంలో కొన్ని ఊహాగానాలు తెరపైకి వచ్చాయి. అధికారికంగా త్రివిక్రమ్ కాని, మహేష్ కానీ ఓ స్పష్టత ఇవ్వలేదు. కానీ, అభిమానులతో పాటు సగటు ప్రేక్షకుడు కూడా ఆ కథ సంగతేంటో తెలుసుకోవాలని అరాట పడుతున్నాడు. ఓ బాలీవుడ్ మీడియా యాంకర్ కూడా ఈ సినిమా కథ గురించి మహేష్ ను అడిగారు. త్రివిక్రమ్ మీకోసం ఢిల్లీ నేపథ్యంలో సాగే పొలిటికల్ అడ్వెంచర్స్ కూడిన కథ సిద్ధం చేశారట కదా. దీనిపై మీ ఫీలింగ్ ఏమిటీ? అని అడిగారు.
పొలిటికల్ అడ్వెంచర్ మాత్రమే కాదు, ఇంకా స్టోరీలో చాలా ఇంట్రెస్టింగ్ ఎలిమెంట్స్ ఉన్నాయి. ఇక త్రివిక్రమ్ తో నా మూవీ ఏ జోనర్ లో ఉంటుందని చెప్పడానికి ఇది సరైన సమయం కాదు. అయితే, ఈ ప్రాజెక్ట్ కోసం నేను చాలా ఎక్సైటింగ్ గా వర్క్ చేస్తున్నాను.. అని మహేష్ ముగించారు. మహేష్ బాబు కామెంట్స్ ప్రకారం త్రివిక్రమ్ సిద్ధం చేసిన కథలో పొలిటికల్ డ్రామా మెయిన్ గా ఉండబోతుందని తెలుస్తోంది.
ఇక మహేష్ – త్రివిక్రమ్ గత చిత్రాలకు మించి భారీ బడ్జెట్ తో ఈ చిత్రం తెరకెక్కుతుంది. మహేష్ తో త్రివిక్రమ్ సినిమా అంటే కనీసం రెండేళ్ల సమయం కేటాయించాల్సిందే. ఈ మూవీలో మహేష్ కి జంటగా పూజా హెగ్డే నటిస్తోంది. గతంలో మహేష్-పూజా కాంబినేషన్ లో మహర్షి చిత్రం తెరకెక్కింది. అది సూపర్ హిట్ అయినట్టే.. ఇది కూడా సూపర్ హిట్ అవుతుందేమో చూడాలి.
ఇవి కూడా చదవండి…
