‘పుష్ప 2’.. లీకులేంటి మైత్రి ?

అల్లు అర్జున్ , సుకుమార్ కాంబినేషన్ లో తెరకెక్కుతున్న ‘పుష్ప 2’ నుండి తాజాగా ఓ డైలాగ్ లీకైంది. “అడవిలో జంతువులు నాలుగు అడుగులు వెనక్కి వేసాయంటే పులి వచ్చిందని అర్ధం.. అదే పులి నాలుగు అడుగులు వెనక్కి వేసిందంటే పుష్ప రాజ్ వచ్చాడని అర్థం” ఇది లీకైన డైలాగ్. పుష్ప 2 కి సంబంధించి ఎలాంటి షూటింగ్ అప్ డేట్స్ ఇవ్వకుండా ఓ గ్లిమ్స్ తో భారీ హైప్ క్రియేట్ చేసే పనిలో ఉన్నారు మేకర్స్.

‘అవతార్ 2’ సినిమాతో పాటు పుష్ప 2 గ్లిమ్స్ వదిలేందుకు సన్నాహాలు చేశారు కానీ ఇంకా వర్క్ ఉన్నందున గ్లిమ్స్ ను న్యూ ఇయర్ కి పోస్ట్ పోన్ చేసుకున్నారు. అయితే ఈ గ్లిమ్స్ లోనిదే ఆ డైలాగ్ అని తెలుస్తుంది. సినిమాలో కూడా ఈ డైలాగ్ ఉంటుందని కానీ హైప్ కోసం ముందే గ్లిమ్స్ వదలడానికి మేకర్స్ ప్లాన్ చేసుకున్నారు. కానీ లీక్ తో సోషల్ మీడియా అంతా వైరల్ అయింది.

ఇప్పుడు గ్లిమ్స్ లో ఈ డైలాగ్ బన్నీ చెప్తుంటే ఫ్యాన్స్ ముందే ఆటోమేటిక్ గా చెప్పేస్తారు. ఇంక వారికి ఈ డైలాగ్ బన్నీ చెప్తుంటే అంత ఎంగ్జైటీ ఉండదు. ఏదేమైనా పుష్ప సినిమాకు లీకులు ఇదేం కొత్త కాదు. పుష్ప 1 షూట్ నుండే ఎప్పటికప్పుడు లీకులు బయటికొచ్చాయి. మరి ఇంత పవర్ ఫుల్ డైలాగ్ లీకయ్యే వరకు మైత్రి టీం ఏం చేస్తున్నట్టు ? కంటెంట్ బయటికి రాకుండా కాస్త స్పెషల్ కేర్ తీసుకోవాలి కదా అంటూ బన్నీ ఫ్యాన్స్ మాట్లాడుకుంటున్నారు.

ఇవి కూడా చదవండి..