నందమూరి బాలకృష్ణ లేటెస్ట్ మూవీ ‘వీర సింహా రెడ్డి’ నుండి క్రేజీ అప్ డేట్ వచ్చేసింది. ఈ సినిమా నుండి రిలీజ్ అవ్వబోయే ఫస్ట్ సింగిల్ జై బాలయ్య సాంగ్ అప్ డేట్ ఇచ్చేసి డేట్ చెప్పేశారు. నవంబర్ 25న ఉదయం 10 గంట 29 నిమిషాలకు సాంగ్ రిలీజ్ చేయనున్నారు.
థమన్ కంపోజ్ చేసిన జై బాలయ్య సాంగ్ కి సంబందించి ఇప్పటికే కొన్ని వీడియోలు లీక్ అయ్యాయి. సో ఈ సాంగ్ ఎలా ఉండబోతుందో నందమూరి ఫ్యాన్స్ కి ఒక అంచనా ఉంది. ఇప్పుడు ఫుల్ సాంగ్ కోసం బాలయ్య ఫ్యాన్స్ ఎదురుచూస్తున్నారు. బాలయ్య – థమన్ కాంబో లో వచ్చిన అఖండ సాంగ్స్ సూపర్ హిట్టయ్యాయి. ఇప్పుడు జై బాలయ్య తో పాటు మిగతా సాంగ్స్ కూడా అదే రేంజ్ లో ఉంటాయని ఫ్యాన్స్ ఆశిస్తున్నారు.
మైత్రి మూవీ మేకర్స్ బేనర్ పై నవీన్ యెర్నేని, రవి శంకర్ నిర్మిస్తున్న ఈ సినిమాలో బాలయ్య సరసన శృతి హాసన్ హీరోయిన్ గా నటిస్తుంది. విజయ్ దునియా విలన్ గా నటిస్తున్న ఈ సినిమాలో వరలక్ష్మి శరత్ కుమార్ బాలయ్య చెల్లెలి పాత్ర చేస్తుంది. సంక్రాంతి కానుకగా 2023 జనవరి లో రిలీజ్ కానున్న ఈ సినిమాపై ప్రేక్షకుల్లో భారీ అంచనాలున్నాయి.
ఇవి కూడా చదవండి…
