ఆహా ఓటీటీ వేదికగా నందమూరి బాలకృష్ణ హోస్ట్‌గా వ్యవహరిస్తున్న షో ‘అన్ స్టాపబుల్’. తొలి సీజన్ మంచి సక్సెస్ కావడంతో రెండో సీజన్‌ని కూడా అంతకమించి ఉండేలా నిర్వాహకులు ప్లాన్ చేస్తున్నారు. ఇందులో భాగంగా ఎవరూ ఉహించని విధంగా తొలి సీజన్‌కు మాజీ సీఎం చంద్రబాబు, ఆయన తనయుడు నారా లోకేశ్‌ గెస్ట్‌లుగా వచ్చారు.
సీజన్ 1 మొత్తంగా సినిమా వాళ్లతో సాగగా రెండో సీజన్ తొలి ఎపిసోడ్ రాజకీయ నాయకులతో మొదలు పెట్టగా మంచి రెస్పాన్సే వచ్చింది. ఇక రెండో,మూడో ఎపిసోడ్‌కి మళ్లి సినిమా వారినే పిలవగా తాజాగా నాలుగో ఎపిసోడ్‌కి మళ్లీ రాజకీయ నాయకులనే గెస్ట్‌లుగా తీసుకువస్తున్నట్లు సమాచారం.
ఉమ్మడి ఆంధ్రప్రదేశ్‌ మాజీ సీఎం కిరణ్ కుమార్ రెడ్డితో పాటు మాజీ స్పీకర్ నాదేండ్ల మనోహర్ గెస్ట్‌లుగా రాబోతున్నట్లు సమాచారం. ఇక చంద్రబాబుతో ఎపిసోడ్‌లో భాగంగా ఎన్టీఆర్‌ని గద్దె దించినప్పటి చేదు సంఘటనలను బాబుపై ఉన్న మచ్చను తొలగించే ప్రయత్నం చేయగా అది సక్సెస్ కాలేదు. కానీ ఈ ఎపిసోడ్ మాత్రం రికార్డు వ్యూస్ రాబట్టింది.
ఇక తాజాగా కిరణ్ కుమార్ రెడ్డి వస్తుండటంతో ఏయే ప్రశ్నలు అడుగుతారోనని అంతా ఆసక్తిగా ఎదురుచూస్తున్నారు. ముఖ్యంగా తెలంగాణపై ఆయన చేసిన ప్రసంగాలు, రాష్ట్రా సాధనను ఆయన అడ్డుకున్న విధానంపై ప్రశ్నలు అడుగుతారని తెలుస్తోంది. మరి వీటిపై కిరణ్ కుమార్ రెడ్డి ఏ విధంగా సమాధానం చెబుతారో వేచిచూడాలి. ఇక ఈ ఎపిసోడ్‌కి సంబంధించి వివరాలను త్వరలోనే వెల్లడించనున్నారు.
ఇవి కూడా చదవండి..
