విశ్వాసపాత్రుడికి అంతిమ యాత్ర ఎక్కడో తెలుసా….

ఈ భూగ్రహం మీద మానవుని తొలి నేస్తం శునకం. చారిత్రక పూర్వ యుగం నుంచి నేటి దాకా కుక్కకు ఉన్న స్థానం అందరీకి తెలిసింది. వాటిని కూడా సొంత మనుషుల్లా ట్రీట్‌ చేస్తారు కొందరు. ఓ పెంపుడు కుక్క చనిపోగా..దానికి ఘనంగా అంతిమ వీడ్కోలు నిర్వహించారు యజమాని. ఈ ఘటన ఒడిశాలోని పర్లాకిమిడిలో జరిగింది.

పర్లాకిమిడికి చెందిన టన్ను గౌడ పెంపుడు కుక్క మరణించింది. 17ఏళ్ల పాటు తమతో ఉన్న కుక్క మరణించడంతో ఆ కుటంబం బోరున విలపించింది. తమ ఇంట్లో కుటుంబ సభ్యుడు చనిపోతే ఎలా అంత్యక్రియలు నిర్వహిస్తారో..దానికి కూడా అలాగే చేశారు. పూలతో డెకరేట్ చేసిన వాహనంలో బ్యాండ్ బాజా మధ్య దాన్ని అంతిమ యాత్ర నిర్వహించారు. ఆ తర్వాత శ్మశాన వాటికలో కన్నీటి వీడ్కోలు పలికారు. ప్రస్తుతం ఈ వీడియో సోషల్ మీడియాలో వైరల్ గా మారింది.