తమిళ హీరో విజయ్- టాలీవుడ్ డైరెక్ట‌ర్ వంశీపైడిప‌ల్లి కాంబినేష‌న్‌లో ఓ భారీ బడ్జెట్‌ చిత్రం రాబోతున్న విష‌యం తెలిసిందే. తళపతి 66వ ప్రాజెక్టుగా వ‌స్తున్న ఈ చిత్రంలో ర‌ష్మిక మంద‌న్నా హీరోయిన్‌గా నటిస్తోంది. దిల్ రాజు, శిరీష్ శ్రీ వెంక‌టేశ్వ‌ర క్రియేష‌న్స్ బ్యాన‌ర్‌లో ఈ మూవీని నిర్మిస్తున్నారు. ఎస్ థ‌మ‌న్ మ్యూజిక్ డైరెక్ట‌ర్‌గా ప‌నిచేస్తున్న ఈ మూవీకి వంశీ పైడిప‌ల్లి, హ‌రి, అహిషోర్ సోలోమ‌న్ క‌థ, స్క్రీన్ ప్లే అందిస్తున్నారు.
తాజాగా ఈ మూవీ నుండి ఇంట్రెస్టింగ్ అప్‌డేట్ ఇచ్చారు చిత్ర బృందం. విజయ్ పుట్టిన రోజు కానుక‌గా జూన్ 21న సాయంత్రం 6:01 గంట‌ల‌కు ఫస్ట్ లుక్ పోస్ట‌ర్ లాంఛ్ చేయ‌నున్నట్టు ట్విట్టర్‌ ద్వారా ప్ర‌క‌టించారు మేక‌ర్స్. దీనికి సంబంధించిన స్టిల్‌ను కూడా వదిలారు. విజయ్ లాంగ్ బ్యాగ్ వేసుకొని ఉన్న స్టిల్‌ను ఆకట్టుకునేలా ఉంది. తాజా లుక్ సినిమాపై ఆసక్తిరేపుతోంది.
