టీటీడీకి భారీ విరాళం!

తిరుమల శ్రీవారికి భారీ విరాలం వచ్చింది. చెన్నైకు చెందిన భక్తురాలు సరోజా సూర్యనారాయణన్‌ శ్రీవారికి బంగారు లక్ష్మీకాసులహారం, యజ్ఞోపవీతం విరాళంగా అందజేశారు. వీటి బరువు 4.150 కిలోలు కాగా విలువ రూ.2.45 కోట్లు. ఈ ఆభరణాలను గురువారం రాత్రి నైవేద్య విరామ సమయంలో ఆలయంలోని రంగనాయక మండపంలో టీటీడీ ఈవో ధర్మారెడ్డికి అందజేశారు.

ఇటీవల తిరుమల శ్రీవారికి ఓ భక్తుడు రూ.7 కోట్లను విరాళంగా అందించారు. గతేడాది ఫిబ్రవరిలో ఢిల్లీకి చెందిన ఓ భక్తుడు రూ.10 కోట్లు విరాళంగా అందజేసిన సంగతి తెలిసిందే.