వివేక్ ఆత్రేయ దర్శకత్వంలో నాని, నజ్రియా జంటగా నటించిన చిత్రం అంటే సుందరానికి. ఇవాళ ప్రపంచవ్యాప్తంగా సినిమా ప్రేక్షకుల ముందుకురానుండగా శుక్రవారం ప్రీ రిలీజ్ ఈవెంట్‌ని హైదరాబాద్ శిల్పకళా వేదికలో ఘనంగా నిర్వహించారు. ఈ ప్రీ రిలీజ్ ఈవెంట్‌కు అతిథిగా పవర్ స్టార్ పవన్ కళ్యాణ్ రాగా సినిమాపై అంచనాలు మరింతగా పెరిగిపోయాయి.
ఈ సందర్భంగా మాట్లాడిన పవన్…ఇలాంటి వేడుకల్లో మీ ఉత్సాహం, ఉరకలు లేకపోతే ఏ కార్యక్రమానికి అందం ఉండదు. ఈ సినిమా ఫంక్షన్ కి నన్ను ఆహ్వానించినందుకు ధన్యవాదాలు తెలిపారు. నాని నటనే కాదు ఆయన వ్యక్తిత్వం అంటే తనకు చాలా ఇష్టమని తెలిపారు.
తెలుగు సినిమా పరిశ్రమ అందరి సొత్తు. ఇది ఏ ఒక్కరి సొత్తు కాదు. ప్రజల కోసం నిలబడే ధైర్యం, ఎన్ని ఎదురు దెబ్బలు తగిలినా నిలబడే ధైర్యం మీరిచ్చారు అని తెలిపారు పవన్. చిత్ర పరిశ్రమ ఒక కుటుంబానికి చెందింది కాదు. అందరిది. సినిమా పరిశ్రమలో రాజకీయంగా ఎన్ని విభేదాలు ఉన్నా సినిమా వేరు, రాజకీయం వేరు అని స్పష్టం చేశారు పవన్. నానికి మా ఇంట్లో కూడా చాలా మంది అభిమానులు ఉన్నారు. మా చెల్లి కూడా నానికి అభిమాని అని చెప్పారు పవన్.
