క్రిష్ డైరెక్షన్‌లో పవర్ స్టార్ పవన్ హీరోగా తెరకెక్కుతున్న చిత్రం హరిహర వీరమల్లు. ఇప్పటికే ఈ సినిమాకు సంబంధించి కొంత షూటింగ్ పార్టు పూర్తికాగా తాజాగా భారీ యాక్షన్ సీక్వెన్స్ కు రెడీ అవుతున్నారు పవన్. పాన్ ఇండియా మూవీగా ఈ సినిమా తెరకెక్కుతుండగా పవన్ కెరీర్‌లోనే బిగ్గెస్ట్ బడ్జెట్ మూవీ ఇది. మొఘల్ కాలం నాటి బ్యాక్‌డ్రాప్‌తో 17వ శతాబ్దానికి చెందిన కథతో వస్తున్నారు పవన్. పవన్ సరసన అందాల భామ నిధి అగర్వాల్ హీరోయిన్‌గా నటిస్తుండగా బాలీవుడ్ బ్యూటీ నర్గీస్ ఫక్రీ ఓ కీలక పాత్రలో నటిస్తోంది. ఈ సినిమాను నిర్మాత ఏఎం రత్నం అత్యంత భారీ బడ్జెట్‌తో ప్రొడ్యూస్ చేస్తున్నాడు.
ఇక ఈ సినిమాపై భారీ ఆశలు పెట్టుకున్నారు పవన్. ఈ భారీ ప్రాజెక్టును వీలైనంత త్వరగా ముగించి పవన్ కూడా తన ఖాతాలో తొలి పాన్ ఇండియా మూవీని వేసుకోవాలని ఆసక్తిగా ఉన్నాడు. తన చేతిలో ఉన్న సినిమాలన్నింటిలోనూ ఈ సినిమాపైనే ఎక్కువ మొగ్గు చూపుతున్నారు.
