- Advertisement -
కాంగ్రెస్‌కు పీకే అవసరం లేదన్నారు ప్రశాంత్ కిశోర్. ఓఛానల్‌కు ఇచ్చిన ఇంటర్వ్యూలో మాట్లాడిన ప్రశాంత్ కిషోర్( పీకే) ..రాహుల్‌పై ప్రశంసలు గుప్పించారు. రాహుల్‌గాంధీ చాలా పెద్ద వ్యక్తి అని… పీకే కంటే ఎక్కువ అనుభవం, సామర్థ్యం ఉన్న వ్యక్తులు ఆ పార్టీలో ఉన్నారని తెలిపారు.
సొంత రాష్ట్రం బిహార్‌లో మార్పు కోసం భావసారూప్యత గల వ్యక్తులతో ‘జనసురాజ్‌’ అనే వేదికను ఏర్పాటు చేయనున్నట్టు ప్రకటించారు. తన విజన్‌ ను సుమారు 18 వేల మందితో పంచుకున్నానని, వ్యక్తిగతంగా వారిని కలిసేందుకూ ప్రయత్నిస్తానని చెప్పారు.
అక్టోబర్ 2..గాంధీ జయంతి నాడు చంపారన్‌లోని గాంధీ ఆశ్రమం నుంచి 3 వేల కిలోమీటర్ల పాదయాత్ర ప్రారంభిస్తానని తెలిపారు. సుమారు ఏడాది పాటు ఈ పాదయాత్ర సాగుతుందన్నారు.
- Advertisement -
