మాస్‌రాజ ర‌వితేజ ‘రామారావు ఆన్ డ్యూటీ’తో బిజీగా ఉన్నాడు. శ‌ర‌త్ మండ‌వ ఈ చిత్రంతో ద‌ర్శ‌కుడిగా పరిచ‌య‌మ‌వుతున్నాడు. ఈ చిత్రంలో ర‌వితేజ‌కు జోడీగా దివ్యాంక కౌశిక్, ర‌జీషా విజ‌య‌న్‌లు హీరోయిన్లుగా న‌టించారు. ఇటీవ‌లే ఈ చిత్రం షూటింగ్ పూర్తి చేసుకుంది. ఈ క్ర‌మంలో చిత్ర బృందం త‌రచూ ఏదో ఒక అప్‌డేట్‌తో ప్రేక్ష‌కుల‌ను ప‌ల‌కరిస్తుంది. తాజాగా చిత్ర బృందం రంజాన్ శుభాకాంక్ష‌లు తెలుపుతూ ఓ పోస్ట‌ర్‌ను విడుదల చేశారు.
ర‌వితేజ కాజ్యువ‌ల్‌గా న‌డుస్తున్న‌ట్లు పోస్ట‌ర్‌ను విడుదల చేశారు. అంతేకాకుండా మ‌రో అప్‌డేట్‌ను కూడా ప్ర‌క‌టించారు. ఈ చిత్రం నుంచి మ‌రో సింగిల్‌ను విడుదల తేదీని ప్ర‌క‌టించారు. ‘సొట్ట‌ల బుగ్గ‌ల్లో’ అంటూ సాగే లిరిక‌ల్ సాంగ్‌ను మే 7న విడుదల చేయ‌నున్న‌ట్లు తెలిపారు. ఇటీవ‌లే విడుద‌లైన ‘బుల్ బుల్ తరంగ్’ పాట‌కు విశేష స్పంద‌న వ‌చ్చింది.
శ్రీ ల‌క్ష్మివెంక‌టేశ్వ‌రా సినిమాస్, ఆర్‌టి టీమ్ వ‌ర్క్స్ బ్యాన‌ర్ల‌పై సుధాక‌ర్ చెరుకూరితో కలిసి ర‌వితేజ స్వీయ నిర్మాణంలో ఈ చిత్రాన్ని తెర‌కెక్కించాడు. ఈ చిత్రంలో ర‌వితేజ డిప్యూటీ క‌లెక్ట‌ర్‌గా క‌నిపించ‌బోతున్నాడు. ఈ చిత్రాన్ని జూన్ 17న విడుదల చేసేందుకు మేక‌ర్స్ ప్లాన్‌ చేస్తున్నారు.
