జేఎన్టీయూలో జాబ్‌మేళా

నిరుద్యోగులకు శుభవార్త. హైదరాబాద్ జేఎన్టీయూలో రెండు రోజుల పాటు (15, 16) తేదీల్లో మెగా జాబ్ మేళా జరగనుంది. దాదాపు 150 కంపెనీలు ఈ జాబ్‌మేళాలో పాల్గొననున్నాయి. ఆసక్తిగల నిరుద్యోగులు విద్యార్హత సర్టిఫికెట్లతో హాజరు కావాలని సూచించారు.

పదో తరగతి నుంచి టెక్నాలజీ విద్య వరకు అర్హత ఉన్న అభ్యర్థులందరూ ఈ జాబ్ మేళాకు హాజరుకావొచ్చని తెలిపారు. డిగ్రీ,ఎంబీఏ, ఎంసీఏ, బీకామ్‌/బీఏతో పాటు పీజీలు పూర్తి చేసి ఉండాలని తెలిపారు.

ఇక ఈనెల 16, 17 తేదీల్లో హైదరాబాద్‌ మణికొండలో టీ-సేవ కేంద్రం ఆధ్వర్యంలో జాబ్ మేళా నిర్వహిస్తున్నట్లు సంస్థ డైరెక్టర్ వెంకట్‌రెడ్డి వెల్లడించారు. ఉదయం 11 నుంచి సాయంత్రం 3 గంటల వరకు మణికొండ ల్యాంకో హిల్స్‌లోని సంపూర్ణ సూపర్‌ మార్కెట్‌పై బిల్డింగ్‌లో జాబ్‌మేళా ఉంటుందన్నారు. ఈ జాబ్‌మేళాలో 102 పేరొందిన ప్రైవేటు కంపెనీలు పాల్గొననున్నాయి.