రానా దగ్గుబాటి హీరోగా వేణు ఉడుగుల దర్శకత్వంలో ‘విరాటపర్వం’ సినిమా రూపొందింది. సాయిపల్లవి కథానాయికగా నటించిన ఈ సినిమాను గతేడాది ఏడాది ఏప్రిల్‌లో విడుదల చేయాలనుకున్నారు. కానీ కుదరలేదు. అప్పటి నుంచి ఈ సినిమా థియేటర్స్ కి వస్తుందని.. ఓటీటీలో వస్తుందని వార్తలు వచ్చాయి.. దాంతో ఈ సినిమా ఎప్పుడు.. ఎలా రిలీజ్ అవుతుందనే అయోమయం నెలకొంది.
ఈ క్రమంలో, ఈ సినిమా రిలీజ్ విషయాన్ని గురించి తాజాగా రానా మాట్లాడుతూ .. “రీసెంట్ గా ఈ సినిమా రీ రికార్డింగును పూర్తిచేసుకుంది. ఒకటి రెండు రోజుల్లో ప్రివ్యూను చూడనున్నాము. ఈ సినిమా థియేటర్లలోనే విడుదలవుతుంది. త్వరలోనే రిలీజ్ డేట్ ను ప్రకటిస్తాము” అని చెప్పుకొచ్చాడు. ఈ సినిమాలో కీలకమైన పాత్రలో ప్రియమణి నటించిన సంగతి తెలిసిందే.
సురేశ్ బాబు – సుధాకర్ చెరుకూరి ఈ సినిమాను నిర్మించారు. తెలంగాణ ప్రాంతంలో 1990లలో ఉన్న నక్సలిజం నేపథ్యంలో సాగే కథ ఇది. ఆశయం .. ఆవేశం .. సిద్ధాంతంతో ముడిపడిన పోరాటం, ఆ మధ్యలో పెనవేసుకున్న ప్రేమకథతో ఈ సినిమా నడుస్తుంది.
