పవర్‌ స్టార్ పవన్ కల్యాణ్ హీరోగా నటించిన చిత్రం భీమ్లా నాయక్. ఈ నెల 25న వరల్డ్ వైడ్‌గా సినిమా రిలీజ్ కానుండగా సాగర్ కె చంద్ర దర్శకత్వంలో తెరకెక్కిన ఈ చిత్రంలో పవన్ సరసన నిత్యా మీనన్ కథానాయిక. ప్రతినాయకుడిగా రానా నటించారు. ఈ చిత్రానికి త్రివిక్రమ్ మాటలు అందించడం విశేషం. తమన్ స్వరకల్పనలో వచ్చిన భీమ్లా నాయక్ పాటలు ఇప్పటికే ప్రజాదరణ పొందాయి. మలయాళంలో హిట్టయిన అయ్యప్పనుమ్ కోషియుమ్ చిత్రానికి ఇది రీమేక్‌గా రూపుదిద్దుకుంది.
మన దేశంలో పాటు విదేశాల్లో కూడా ‘భీమ్లా నాయక్’ సినిమాని భారీగా రిలీజ్ చేయనున్నారు. అమెరికాలో దాదాపు 400కి పైగా థియేటర్లలో రిలీజ్ చేయనున్నారు.
ఫిబ్రవరి 24నే అక్కడ అమెరికాలో ప్రీమియర్ షోలు పడనున్నాయి. పవన్ కళ్యాణ్ మరోసారి మాస్ క్యారెక్ట చేయడం, సాంగ్స్ కూడా వైరల్ అవ్వడంతో అంచనాలు భారీగా పెరిగిపోయాయి. మరి ‘భీమ్లా నాయక్’తో పవన్ ఎలాంటి సునామి సృష్టిస్తాడో వేచిచూడాలి..
