మేడారంకు హెలికాప్టర్ సర్వీసును ప్రారంభించిన మంత్రి..

ఆసియాలోనే అతిపెద్ద గిరిజ‌న జాత‌ర మేడారం జాత‌ర‌ ఈనెల 16 నుండి ప్రారంభం కానుంది. ఈ జాతరకు ఈరోజు నుండి హెలికాప్ట‌ర్ సేవ‌లు ప్రారంభ‌మ‌య్యాయి. ఈమేరకు రాష్ట్ర ఆబ్కారీ, క్రీడా, పర్యాటక, సాంస్కృతిక శాఖ మంత్రి శ్రీనివాస్ గౌడ్ హైదరాబాద్ లోని బేగంపేట పాత ఎయిర్ పోర్ట్‌లో హెలి టూరిజంలో భాగంగా హైదరాబాద్ నుండి మేడారంకు వెళ్లే హెలికాప్టర్ సర్వీసును జెండా ఊపి ప్రారంభించారు.

తెలంగాణ స్టేట్ టూరిజం డిపార్ట్‌మెంట్ స‌హ‌కారంతో తంబి ఏవియేష‌న్ ప్ర‌యివేటు లిమిటెడ్ కంపెనీ మేడారం జాత‌ర‌కు హెలికాప్ట‌ర్ సేవ‌ల‌ను ప్రారంభించింది. ఈ కార్యక్రమంలో టూరిజం చైర్మన్ ఉప్పల శ్రీనివాస్ గుప్తా, రాష్ట్ర రవాణా శాఖ ప్రభుత్వ కార్యదర్శి శ్రీనివాస రాజు, ఎండీ టూరిజం మనోహర్, రాష్ట్ర ఏవియేషన్ డైరెక్టర్ భారత్ రెడ్డిలు పాల్గొన్నారు.