సీక్వెల్ ప్లాన్‌లో డీజే టిల్లు టీం..!

విమల్ కృష్ణ దర్శకత్వంలో సిద్దూ హీరోగా తెరకెక్కిన చిత్రం డీజే టిల్లు. సిద్దు సరసన నేహా శెట్టి హీరోయిన్‌గా నటించగా సితార ఎంటర్‌టైన్‌మెంట్స్‌పై నాగ వంశీ ఈ చిత్రాన్ని నిర్మిస్తున్నారు. టీజర్, ఆకట్టుకునే పాటలతో ప్రేక్షకులలో ఆసక్తిని రేకెత్తించింది.

ఈ సినిమా ప్రీ రిలీజ్ ఫంక్షన్‌లో ఆసక్తికర విషయాలను వెల్లడించారు. నిర్మాత సూర్యదేవర నాగవంశీ మాట్లాడుతూ కృష్ణ అండ్‌ హిజ్‌ లీల సినిమా చూశాక అది నచ్చి సిద్ధు జొన్నలగడ్డను పిలిచాను. ఈ కథ వింటున్నంత సేపూ నేను చాలా నవ్వుకున్నానని తెలిపాడు. దీనికి సీక్వెల్ కూడా ప్లాన్ చేసుకుంటున్నామని వెల్లడించారు.

డిజె టిల్లు పూర్తయ్యాక కూడా త్రివిక్రమ్‌గారు చెప్పడంతో కొన్ని సన్నివేశాలు మళ్లీ తీశాం అన్నారు.