రెండో వన్డేలోనూ టీమిండియా ఓటమి..

దక్షిణాఫ్రికాతో టెస్టు సిరీస్ చేజార్చుకున్న టీమిండియా..తాజాగా వన్డే సిరీస్‌ను కొల్పోయింది. మూడు వన్డేల సిరీస్‌లో భాగంగా కీలకమైన రెండో వన్డేలో భారత్ ఓటమి పాలై సిరీస్‌ను కొల్పోయింది. భారత్ విధించిన 288 పరుగుల లక్ష్యాన్ని సఫారీ జట్టు మరో 11 బంతులు మిగిలిఉండగానే చేధించింది.

ఓపెనర్ డికాక్ 78,మలన్ 91,బవుమా 35,డెస్సెన్ 37 పరుగులు చేసి రాణించడంతో దక్షిణాఫ్రికా విజయబావుటా ఎగురవేసింది. దీంతో మరో వన్డే ఉండగానే సిరీస్ చేజిక్కించుకుంది.

ఇక అంతకముందు బ్యాటింగ్ ఆరంభించిన టీమిండియాకు ఓపెనర్లు మంచి శుభారంభాన్నిచ్చారు. 55 ప‌రుగుల‌తో కేఎల్ రాహుల్, 85 ప‌రుగుల‌తో రిషభ్ పంత్ రాణించగా ధావన్ 29, వెంకటేశ్ అయ్యర్ 22,ఠాకూర్ 40,అశ్విన్ 25 పరుగులు చేయడంతో భారత్ 287 పరుగులు చేసింది. విరాట్ కోహ్లీ డకౌట్‌గా వెనుదిరిగి నిరాశపర్చాడు.