న‌ట‌సింహా నందమూరి బాలకృష్ణ, స్టార్ డైరెక్టర్ బోయపాటి శ్రీను కాంబినేషన్‌లో రాబోతున్న హ్యాట్రిక్ మూవీ అఖండ సినిమా ప్రీ రిలీజ్ ఈవెంట్ నవంబర్ 27న హైద‌రాబాద్‌లోని శిల్పా కళా వేదికలో జరగబోతోంది. ఈ ఈవెంట్‌కు ఐకాన్ స్టార్ అల్లు అర్జున్ ముఖ్య అతిథిగా రాబోతోన్నట్టు మేకర్లు ప్రకటించారు.
తాజాగా మరో అతిథి కూడా రానున్నారు.ఈ వేడుకలో దర్శక ధీరుడు రాజమౌళి కూడా సందడి చేయనున్నట్లు అధికారికంగా ప్రకటించారు. ఇక దీంతో ఈ వేడుక ఇంకా ఆసక్తికరంగా మారనుంది. స్పెషల్ గెస్ట్ గా రాజమౌళి హాజరుకానున్నట్లు మేకర్స్ తెలిపారు.
ద్వారకా క్రియేషన్స్‌పై మిర్యాల రవిందర్ రెడ్డి నిర్మిస్తున్న ఈ చిత్రంలో ప్రగ్యా జైస్వాల్ హీరోయిన్‌గా నటిస్తున్నారు. తమన్ ఈ సినిమాకు సంగీతాన్ని అందిస్తున్నారు. ఇప్పటికే రిలీజ్ చేసిన పాటలకు, ట్రైల‌ర్‌కు విశేషమైన స్పందన వచ్చింది. ఈ చిత్రం డిసెంబర్ 2న ప్ర‌పంచ‌వ్యాప్తంగా ప్రేక్షకుల ముందుకు రానుంది.
