‘ఆర్ ఆర్ ఆర్’ మూడో పాటకు ముహుర్తం ఖరారు..!

దర్శకధీరుడు రాజమౌళి దర్శకత్వంలో భారీ బడ్జెట్‌తో తెరకెక్కుతున్న చిత్రం ‘ఆర్ ఆర్ ఆర్’. డీవీవీ దానయ్య నిర్మించిన ఈ సినిమా, జనవరి 7వ తేదీన ప్రపంచవ్యాప్తంగా వివిధ భాషల్లో విడుదల కానుంది. ఎన్టీఆర్ – చరణ్ ప్రధానమైన పాత్రలను పోషించిన ఈ సినిమాపై ఒక రేంజ్‌లో అంచనాలు ఉన్నాయి. కీరవాణి ఈ సినిమాకి సంగీతాన్ని అందించారు.

ఇటీవల ఈ సినిమా నుంచి ‘నాటు .. నాటు’ అనే పాటను వదిలారు. చంద్రబోస్ సాహిత్యాన్ని అందించిన ఈ పాట, రికార్డు స్థాయిలో దూసుకుపోతోంది. ఈ నేపథ్యంలో ఈ సినిమా నుంచి మూడో పాటను వదలడానికి సన్నాహాలు జరుగుతున్నాయని సమాచారం. ఈ నెల 18వ తేదీన మూడవ సాంగ్ ను రిలీజ్ చేయాలనే ఉద్దేశంతో ఉన్నారని చెప్పుకుంటున్నారు.