నటసింహా నందమూరి బాలకృష్ణ స్టార్ డైరెక్టర్ బోయపాటి కాంబినేషన్‌లో తెరకెక్కుతున్న హ్యాట్రిక్ మూవీ అఖండ.ఈ మూవీపై భారీ స్థాయిలో క్రేజ్ నెలకొంది. ఇందులో బాలకృష్ణ సరసన నాయికగా ప్రగ్యా జైస్వాల్ కనువిందు చేయనుండగా, జగపతిబాబు .. శ్రీకాంత్ .. పూర్ణ ముఖ్యమైన పాత్రల్లో కనిపించనున్నారు. ద్వారకా క్రియేషన్స్ బ్యానర్ మీద యువ నిర్మాత మిర్యాల రవీందర్ రెడ్డి ప్రతిష్టాత్మకంగా నిర్మిస్తున్నారు. ఇప్పటికే బాలకృష్ణను అఖండగా పరిచయం చేస్తూ వదిలిన టీజర్ కు సోషల్ మీడియాలో ట్రెమండస్ రెస్పాన్స్ వచ్చింది.
బాలకృష్ణ రెండు విభిన్నమైన పాత్రలను పోషించిన ఈ సినిమా నుంచి, దీపావళి కానుకగా టైటిల్ సాంగ్ టీజర్‌ను రిలీజ్ చేయనున్నారు. 4వ తేదీన ఉదయం 11:43 నిమిషాలకు సాంగ్ టీజర్ వెలువడనుంది. ఇక 8వ తేదీన ఫుల్ సాంగును లిరికల్ వీడియోగా వదలనున్నట్టుగా తెలుస్తోంది. ఈ సినిమాకి తమన్ సంగీతాన్ని అందించాడు.
