ఆర్ఆర్ఆర్… గ్లింప్స్ రిలీజ్

దర్శకధీరుడు రాజమౌళి దర్శకత్వంలో రామ్ చరణ్, ఎన్టీఆర్ హీరోలుగా నటిస్తున్న చిత్రం ఆర్ఆర్ఆర్. 2022 జనవరి 7న సినిమా ప్రేక్షకుల ముందుకురానుండగా భారీ అంచనాలు నెలకొన్నాయి.

ఇప్పటికే షూటింగ్ దాదాపుగా పూర్తికాగా తాజాగా సినిమా ప్రమోషన్ కార్యక్రమాలపై దృష్టిసారించింది చిత్రయూనిట్. ఇందులో భాగంగా ఇవాళ ఉదయం ‘ఆర్ఆర్ఆర్’ గ్లింప్స్ రిలీజ్ చేశారు. 45 సెకన్ల గ్లింప్స్ గూస్ బంప్స్ తెప్పించింది. గోండు బెబ్బులి కొమరం భీంగా యంగ్ టైగర్ ఎన్టీఆర్, మన్యం వీరుడు అల్లూరి సీతారామరాజుగా మెగా పవర్‌స్టార్ రామ్ చరణ్‌‌ల నట విశ్వరూపానికి ఉదాహరణ అనేలా గ్లింప్స్ అదిరిపోయింది. తెలుగుతో పాటు హిందీ, తమిళ్, కన్నడ, మలయాళ భాషల్లో గ్రాండ్‌గా రిలీజ్ కానుంది ‘ఆర్ఆర్ఆర్’.