గర్వంగా ఉంది.. తండ్రి ఓటమిపై శృతిహాసన్‌ స్పందన..

తమిళనాడు శాసనసభ ఎన్నికల్లో నటుడు కమలహాసన్ మక్కల్ నీది మయ్యం పార్టీని స్థాపించి పోటీ చేసిన సంగతి తెలిసిందే. కోయంబత్తూరు సౌత్ నుంచి స్వయంగా బరిలోకి దిగిన కమలహాసన్ స్వల్ప ఓట్ల తేడాతో ఓటమి పాలయ్యారు. ఈ ఫలితాలపై ఆయన కుమార్తె, సినీ హీరోయిన్‌ శృతిహాసన్‌ స్పందించారు. తన తండ్రిని చూస్తుంటే చాలా గర్వంగా ఉందంటూ తన ట్విటర్‌ ఖాతాలో ఓ ట్వీట్‌ చేశారు. దానికి ఎంఎన్‌ఎం ఎన్నికల చిహ్నమైన టార్చిలైటు చేతపట్టుకుని వున్న తన తండ్రి ఫొటోను ఆమె పోస్టు చేశారు.