టాలీవుడ్‌ కోలీవుడ్‌ ఇండస్ట్రీలో కొరియోగ్రాఫర్‌గా ఎంట్రీ ఇచ్చాడు ప్రభుదేవ. ఆ తర్వాత ప్రేమికుడు చిత్రం హీరోగా మారిపోయాడు, తెలుగులో నటించిన సినిమాలు కొన్ని చిత్రాలే అయినా డబ్బింగ్‌ సినిమాల ద్వారా తెలుగు ప్రేక్షకులకు బాగానే దగ్గరయ్యాడు. కోలివుడ్‌, టాలీవుడ్‌ మైకేల్‌జాక్సన్‌గా పేరొందిన ప్రభుదేవ కొరియో గ్రాఫర్‌ సుందరం స్టార్‌ కుమారుడు. నటుడిగా,దర్శకుడిగా ప్రభుదేవ ఇండస్ట్రీలో మంచి పేరు సంపాదించుకున్నాడు. నువ్వొస్తానంటే నేనొద్దంటానా… సినిమా దర్శకుడిగా తన టాలెంట్‌ నిరూపించుకుని సత్త చాటుకున్నాడు. ఇక బాలివుడ్‌ చిత్రాలకూ దర్శకత్వ బాధ్యతలను తీసుకుని అక్కడే సెటిలైపోయాడు ప్రభుదేవ.
ఇటీవలే జరిగిన గూగుల్‌ సెర్చ్‌లో ఇండియన్‌ బెస్ట్‌ డ్యాన్సర్‌ ఎవరని సెర్చ్‌ చేయగా యంగ్‌టైగర్ ఎన్టీఆర్‌ పేరు చూపిస్తుందట. అంతేకాకుండా నెటిజన్లు కూడా ఈవిషయంలో యంగ్‌టైగర్‌వైపే మొగ్గుచూపారట. దీనిపై స్పందించిన ప్రభుదేవ డౌటే లేదు ఎన్టీఆర్‌ చాలా అద్భుతంగా డాన్స్‌ చేస్తాడు అంటూ కాంప్లిమెంట్‌ ఇచ్చాడు. ఎన్టీఆర్‌ ఎనర్జీ లెవల్స్‌సూపర్ అంటూ యంగ్‌టైగర్‌ను ప్రశంసలతో మొంచెత్తాడు ప్రభుదేవ.
ఒకప్పుడు డాన్స్‌కి కేరఫ్‌ అడ్రస్‌గా నిలిచిన ప్రభుదేవ గత కొంత కాలంగా దర్శకత్వం, నటనపైనే ఎక్కువగా శ్రద్ద చూపిస్తున్నాడు. గత సంవత్సరం అభినేత్రి సినిమాతో విజయంసాధించిన జూనియర్‌ మైకేల్ జాక్సన్ ప్రస్తుతం పలు సినిమాలతో బిజీగా గడుపుతున్నాడు. ఇక ఎన్టీఆర్‌ టాలీవుడ్‌కు ఎంట్రీ ఇచ్చినప్పుడు కాస్త బొద్దుగా కనిపించి డాన్స్‌తో మెప్పించాడు…యమదొంగ చిత్రం తర్వాత మనోడు సన్నగా మారాడు. గూగుల్‌ సెర్చ్‌ ఇండియన్‌ బెస్ట్‌ డ్యాన్సర్‌ లిస్ట్‌లో ఎన్టీఆర్‌ నెంబర్‌ వన్‌ స్థానంలో నిలిచాడు. ప్రభుదేవ మాత్రం టాప్‌ టెన్‌లో స్థానం దక్కించుకున్నాడు.
