మెగా హీరో వైష్ణవ్ తేజ్, ‘ఉప్పెన’ సినిమాతో సంచలన విజయాన్ని సొంతం చేసుకున్న విషయం తెలిసిందే. ఈ నేపథ్యంలో ఈ మెగా హీరోకు భారీ ఆఫర్స్‌ వస్తున్నాయట. వైష్ణవ్ తేజ్‌తో సినిమాలు చేయడానికి పెద్ద పెద్ద బ్యానర్లు ఉత్సాహాన్ని చూపించాయి.అయితే వైష్ణవ్‌తో కింగ్‌ నాగార్జున సినిమా తీయబోతున్నట్లు సమాచారం. నాగ్ నిర్మతగా అన్నపూర్ణ బ్యానర్‌లో ఈ చిత్రం రాబోతున్నట్లు ప్రచారం జరుగుతోంది. ఈ వార్తలపై నాగ్ కూడా క్లారిటీ ఇచ్చారు.
ప్రస్తుతం నాగ్ తన అప్ కమింగ్ మూవీ ‘వైల్డ్ డాగ్’ ప్రమోషన్స్‌లో బిజీగా ఉన్నారు. పలు ఇంటర్వ్యూలలో పాల్గొంటూ సినిమాకు మంచి హైప్ తెచ్చేందుకు ప్రయత్నిస్తున్నారు. ఈ క్రమంలోనే.. ఈ విషయం కూడా వెల్లడించారు. తాను మెగా వారసుడు వైష్ణవ్ తేజ్‌తో సినిమా చేయబోతున్నట్టు ప్రకటించారు నాగ్.
కాగా.. ఇప్పటికే వైష్ణవ్ తేజ్ వద్దకు స్క్రిప్టు వెళ్లిందని అది చూసిన యంగ్ హీరో పూర్తి సంతృప్తి వ్యక్తం చేసినట్టు సమాచారం. అయితే.. ఈ చిత్రాన్ని కొత్త దర్శకుడు టేకప్ చేయనున్నట్టు నాగార్జున ప్రకటించారు. త్వరలోనే ఈ చిత్రానికి సంబంధించిన అధికారిక ప్రకటన చేస్తామని చెప్పారు.
