ఇకపై యాప్ ద్వారా ఆధార్ అడ్రస్ ఛేంజ్..!

దాదాపు అన్ని ప్ర‌భుత్వ ప‌థ‌కాల‌కు ఆధార్ కార్డు నమోదు కీలకంగా మారిన సంగతి తెలిసిందే. మరణ నమోదుకు కూడా ఆధార్‌ నంబర్‌ను మాండేటరీ చేయడంతో ప్రతీ విషయానికి ఆధార్‌తో లింక్‌ పెట్టడంతో దీనికి ప్రాధాన్యం పెరిగింది. అయితే, ఆధార్‌ తీసుకున్న సమయంలో ఇచ్చిన సమాచారం మేరకు కార్డు జారీ చేయడంతో.. ప్రతి ఒక్కరికీ కార్డులో మార్పులు చేసుకోవడం అనివార్యమైంది.

ఇప్పటివరకు మీ సేవ ద్వారా మాత్రమే ఆధార్‌ కార్డులో పేరు, చిరునామా, ఫోన్‌ నంబర్లను మార్చుకునే అవకాశం ఉండగా ఇప్పుడు ఆ బాధ తప్పింది. ఒక యాప్‌ సాయంతో పేరు,అడ్రస్, ఫోన్ నెంబర్లను మార్చుకునే అవకాశం అందుబాటులోకి వచ్చింది. mAadhaar అనే యాప్‌ను ఉపయోగించడం ద్వారా ఆధార్‌లో మార్పులను సెకన్లలో పూర్తిచేసుకోవచ్చు.