ఎమ్మెల్సీ పోలింగ్‌కు సర్వం సిద్ధం..

రాష్ట్రంలో జరిగే రెండు ఎమ్మెల్సీ స్ధానాల పోలింగ్‌కు సర్వం సిద్ధమైంది. 14న ఉదయం 8 గంటల నుండి సాయంత్రం 4 గంటల వరకు పోలింగ్ జరగనుండగా అన్ని ఏర్పాట్లు పూర్తిచేశారు అధికారులు.

నల్లగొండ-ఖమ్మం-వరంగల్‌, హైదరాబాద్‌-రంగారెడ్డి-మహబూబ్‌నగర్‌ పట్టభద్రుల ఎమ్మెల్సీ స్ధానాలకు ఎన్నికలు జరగనుండగా నల్లగొండ-ఖమ్మం-వరంగల్‌ నియోజకవర్గం పరిధిలో 731 పోలింగ్‌ కేంద్రాలు ఏర్పాటు చేశారు. ఇక్కడ 71 మంది అభ్యర్థులు బరిలో నిలిచారు.

హైదరాబాద్‌-రంగారెడ్డి-మహబూబ్‌నగర్‌ స్థానానికి మొత్తం 93 మంది బరిలో ఉన్నారు. జంబో బ్యాలెట్‌ పేపర్‌తోపాటు జంబో బ్యాలెట్‌ బాక్సులు ఏర్పాటు చేశారు. ఈ నియోజకవర్గంలో 799 పోలింగ్‌ కేంద్రాలను ఏర్పాటు చేశారు. ఈనెల 17న సరూర్‌నగర్‌ ఇండోర్‌ స్టేడియంలో ఓట్ల లెక్కింపు జరుగనుంది.