మెగాస్టార్ చిరంజీవి హీరోగా నటిస్తున్న తాజా చిత్రం ‘ఆచార్య’. కొరటాల శివ దర్శకత్వంలో వస్తున్న ఈ చిత్రంలో చిరంజీవి సరసన కాజల్ అగర్వాల్ కథానాయిక. మ్యాట్నీ ఎంటర్‌టైన్మెంట్స్, కొణిదెల ప్రొడక్షన్ కంపెనీ సంయుక్తంగా ఈ సినిమాను నిర్మిస్తున్నాయి. తాజాగా ఈ మూవీ టీజర్ విడుదలైంది. “ధర్మస్థలి తలుపులు తెరుచుకున్నాయి” అంటూ కొణిదెల ప్రొ కంపెనీ ఈ సందర్భంగా ట్వీట్ చేసింది.
“ఇతరుల కోసం జీవించే వారు దైవంతో సమానం… అలాంటి వాళ్ల జీవితాలే ప్రమాదంలో పడితే ఆ దైవమే వచ్చి కాపాడాల్సిన పనిలేదు” దేవుడు లాంటి వాడు వస్తే సరిపోతుంది. అంటూ సాగే డైలాగుతో టీజర్ మొదలవుతుంది. పాఠాలు చెప్పే అలవాటు లేకపోయినా ఆచార్య అని ఎందుకు అంటారు.. బహుశా గుణపాఠాలు చెప్తాననేమో..? అంటూ చిరు చెప్పిన డైలాగ్ అదిరిపోయింది. టీజర్ అంతా యాక్షన్ ప్యాక్డ్‌గా నింపేసాడు కొరటాల శివ. మణిశర్మ సంగీతం అందిస్తున్న ఈ చిత్రం 2021 సమ్మర్‌లోనే విడుదల కానుంది.
