వారణాసిలో రెండోరోజు సీఎం కుటుంబసభ్యుల పర్యటన..

వారణాసిలో రెండో ‌రోజు సీఎం కేసీఆర్ కుటుంబ సభ్యుల టూర్ కొనసాగుతోంది. సీఎం సతీమణి శోభ , ఎమ్మెల్సీ కల్వకుంట్ల కవితతో పాటు ఇతర కుటుంబ సభ్యులు రెండో రోజు వారణాసిలో పర్యటిస్తున్నారు.

తెల్లవారుజామున కాశీ విశ్వనాథ్ ఆలయాన్ని ‌దర్శించుకున్నారు. అనంతరం అన్నపూర్ణ దేవాలయ దర్శనం… ఆచార్య దీపక్ మాల్వియా ఆధ్వర్యంలో అన్నపూర్ణమ్మకు ప్రత్యేక పూజలు నిర్వహించారు. దుందిరాజ్ ఆలయంలో, ఆచార్య దీపక్ మాల్వియా, శంకర్ బాబా ఆధ్వర్యంలో ప్రత్యేక ‘గణేష్ పూజ’ లో పాల్గొన్నారు ‌ఎమ్మెల్సీ కవిత. అనంతరం వరాహి దేవాలయాన్ని దర్శించుకున్నారు.