నిరాడంబరంగా విజయ్ శంకర్ వివాహం..

టీమిండియా ఆల్‌రౌండ‌ర్ విజ‌య్ శంక‌ర్ వివాహం నిరాడంబరంగా జరిగింది. ఇవాళ ఉదయం వైశాలి విశ్వేశ్వరన్ ను పెళ్లి చేసుకున్నారు విజయ్ శంకర్‌. కొద్ది మంది కుటుంబ స‌భ్యులు, స‌న్నిహితుల మ‌ధ్య వైశాలిని వివాహం చేసుకున్నారు. ఈ సందర్భంగా స‌న్‌రైజ‌ర్స్ టీం విజయ్ శంకర్‌కి ప్ర‌త్యేక శుభాకాంక్ష‌లు తెలిపింది.

ఆగ‌స్టులో విజ‌య్ శంక‌ర్, వైశాలిల నిశ్చితార్ధం జ‌ర‌గ‌గా, ఆ వేడుక‌కు సంబంధించిన ఫొటోల‌ను విజ‌య్ శంక‌ర్ తన ఇన్‌స్టాగ్రామ్‌లో షేర్ చేశాడు. ఎంగేజ్‌మెంట్ జరిగిందని అర్థం వచ్చేలా ఉంగరం ఎమోజి జతచేశాడు కాగా, వైవాహిక జీవితంలోకి అడుగుపెట్టిన విజ‌య్ శంక‌ర్‌కు టీమిండియా ఆట‌గాళ్లు రాహుల్, చాహ‌ల్‌తో పాటు ప‌లువురు శుభాకాంక్ష‌లు తెలియ‌జేశారు.