యంగ్ హీరో శ‌ర్వానంద్ న‌టిస్తోన్న తాజా చిత్రం ‘శ్రీ‌కారం’. కిశోర్ బి. డైరెక్ట్ చేస్తోన్న ఈ ఫ్యామిలీ ఎంట‌ర్‌టైన‌ర్‌లో హీరోయిన్‌గా ప్రియాంకా అరుళ్ మోహ‌న్ న‌టిస్తున్నారు. 14 ప్ల‌స్ రీల్స్ బ్యాన‌ర్‌పై రామ్ ఆచంట, గోపి ఆచంట ఈ చిత్రాన్ని నిర్మిస్తున్నారు. ఈ చిత్ర రిలీజ్ డేట్ పోస్ట‌ర్ విడుద‌ల చేశారు. మ‌హాశివ‌రాత్రి కానుక‌గా మార్చి 11న ‘శ్రీ‌కారం’ను థియేట‌ర్ల‌లో విడుద‌ల చేయ‌నున్న‌ట్లు చిత్ర బృందం ప్ర‌క‌టించింది. విలేజ్ బ్యాక్‌డ్రాప్‌తో రూపొందుతున్న ఈ సినిమాలో శ‌ర్వానంద్ స‌రికొత్త లుక్‌లో క‌నిపించ‌నున్నాడు.
మిక్కీ జె. మేయ‌ర్ ఈ చిత్రానికి త‌న‌దైన శైలిలో బాణీలు అందించాడు. ఆ మ‌ధ్య ఈ చిత్రం నుంచి విడుదలైన ‘సందల్లే.. సందల్లే సంక్రాంతి సందల్లే’, ‘బ‌లేగుంది బాలా’ పాటలు ప్రేక్షకులను ఎంతగానో ఆకట్టుకున్నాయి. కీలక పాత్ర‌ల‌లో రావు ర‌మేష్‌, సాయికుమార్‌,ఆమ‌ని, సాయికుమార్‌, ముర‌ళీ శ‌ర్మ, స‌త్య, స‌ప్తగిరి, సీనియ‌ర్ న‌రేష్ ఈ సినిమాలో న‌టిస్తున్నారు.
