‘రాక్ష‌సుడు’ లాంటి సూప‌ర్ హిట్ మూవీ త‌ర్వాత యంగ్ హీరో బెల్లంకొండ సాయిశ్రీ‌నివాస్‌, ‘కందిరీగ’ ఫేమ్ సంతోష్ శ్రీనివాస్ డైరెక్ష‌న్‌లో న‌టిస్తోన్న చిత్రం ‘అల్లుడు అదుర్స్’. సుమంత్ మూవీ ప్రొడ‌క్ష‌న్స్ బ్యాన‌ర్‌పై సుబ్ర‌హ్మ‌ణ్యం గొర్రెల ఈ చిత్రాన్ని నిర్మిస్తున్నారు. ప‌ర్‌ఫెక్ట్ ఫ్యామిలీ ఎంట‌ర్‌టైన‌ర్‌గా రూపొందుతోన్న ఈ సినిమా షూటింగ్ ముగింపు ద‌శ‌లో ఉంది. సంక్రాంతి కానుక‌గా జ‌న‌వ‌రి 15న థియేట‌ర్ల‌లో విడుదల చేయ‌డానికి చిత్ర బృందం స‌న్నాహాలు చేస్తోంది.
ఈ నేపథ్యంలో తాజాగా ఈ సినిమా నుండి ‘హోలా చికా.. హోలా చికా..” అంటూ సాగే ఓ జోష్ ఫుల్ లిరికల్ సాంగ్ విడుదల చేసింది అల్లుడు అదుర్స్ చిత్రబృందం. ఇప్పటికే బెల్లంకొండ ఫ్యాన్స్ లో మోషన్ పోస్టర్ సాంగ్ న్యూ లుక్ తో అంచనాలు పెంచిన మేకర్స్ ఈ ‘హోలా చికా’ పాటతో ఆకట్టుకున్నారనే చెప్పాలి. కౌబోయ్ టైప్ కాస్ట్యూమ్స్ తో ఇద్దరు శ్రీనివాస్ నభా నటేష్ స్టైల్ గా కనిపిస్తున్నారు. ఈ చిత్రానికి రాక్‌స్టార్ దేవి శ్రీ‌ప్ర‌సాద్ అదిరిపోయే సంగీతం అందించారు.
