టాలీవుడ్ ఇండస్ట్రీలో మెగాహీరోలు..నందమూరి ఫ్యామిలీదే హావా. వ్యక్తిగతంగా వారి మధ్య ఎలాంటి విభేదాలు లేకున్నా వారి అభిమానులు మాత్రం తమ హీరో గొప్ప అంటే కాదు తమ హీరోనే గొప్పఅంటూ పోటీ పడుతుంటారు. ఒక్కోక్కరి ఇద్దరి మధ్య గొడవలు జరిగిన సిచ్యువేషన్స్ కూడా ఉన్నాయి. ఫ్యాన్స్ మధ్య పోటీ వాతావరణం ఉన్నా..ఈ హీరోలు తామంతా ఒక్కటే అని మరోసారి చూపించారు. మెగా ఫ్యామిలీ హీరో సాయి ధరమ్ తేజ్ హీరోగా జవాన్ అనే టైటిల్ తో సరికొత్త మూవీ తెరకెక్క నుంది. బీవీఎస్ రవి దర్శకత్వంలో తీస్తున్న ఈ చిత్రాన్ని సోమవారం లాంఛనంగా ప్రారంభించారు. అయితే ఈ కార్యక్రమానికి యంగ్ టైగర్ జూనియర్ ఎన్టీఆర్ ఈ కార్యక్రమంలో పాల్గొని ముహూర్తపు సన్నివేశానికి క్లాప్ కొట్టాడు.
ఇటీవల మెగా ఫ్యామిలీ, నందమూరి కుటుంబ హీరోల అభిమానుల మధ్య సామాజిక మాధ్యమాల్లో పెద్ద ఎత్తున దుమారం రేగిన నేపథ్యంలో..తమ మధ్య విభేదాలు లేవని, తామంతా ఒకటేనని..ఈ ఓపెనింగ్ ఫంక్షన్ కు హాజరు కావడం ద్వారా ఎన్టీఆర్ చాటి చెప్పాడు. ఈ సందర్భంగా ఎన్టీఆర్, సాయి ధరమ్ తేజ్ ఆప్యాయంగా పలకరించుకున్నారు. కృష్ణగాడి వీరప్రేమగాధ మూవీ ఫేం మెహ్రీన్ కౌర్ ఈ చిత్రం హీరోయిన్.
