రామ్ చరణ్ ఛాలెంజ్‌ను స్వీకరించిన మెగా ఫ్యాన్స్‌..

రాజ్యసభ సభ్యులు జోగినపల్లి సంతోష్ కుమార్ పిలుపు మేరకు మెగా పవర్ స్టార్ రామ్ చరణ్ విసిరిన గ్రీన్ ఇండియా ఛాలెంజ్‌ను స్వీకరించిన రామ్ చరణ్ ఫ్యాన్స్‌ తాజాగా మొక్కలు నాటారు. గ్రీన్ ఇండియా ఛాలెంజ్ మహా ఉద్యమంలా కొనసాగుతుంది. రాజ్యసభ సభ్యులు జోగినపల్లి సంతోష్ కుమార్ పిలుపు మేరకు రాజకీయ, క్రీడా రంగం, సినీ తారలు సైతం మొక్కలు నాటుతున్నారు.

తాజాగా మెగా పవర్ స్టార్ రామ్ చరణ్ తేజ్ తన ఫ్యాన్స్ అందరూ గ్రీన్ ఇండియా ఛాలెంజ్‌ను స్వీకరిస్తూ మొక్కలు నాటాలని పిలుపునిచ్చారు. ఈ నేపథ్యంలో యువ నేత రామేశ్వర్ గౌడ్ ఆధ్వర్యంలో సికింద్రాబాద్ తార్నాక డివిజన్ మెగా పవర్ స్టార్ రామ్ చరణ్ తేజ్ అసోషియేషన్ ప్రెసిడెంట్ వేణుగోపాల్ రెడ్డి, పరుశురాం లు మొక్కలు నాటారు. ఈ గ్రీన్ ఇండియా ఛాలెంజ్ ఉదయం ఇలాగే కొనసాగిస్తూ మరింత ముందుకు తీసుకెళ్లాలని రామేశ్వర్ గౌడ్ తెలిపారు.