చిరు వేదాళం రీమేక్..ముహుర్తం ఫిక్స్‌!

మెగాస్టార్ చిరంజీవి 153వ సినిమాకు ముహుర్తం ఫిక్స్ అయింది. ప్రస్తుతం ఆచార్య సినిమా చేస్తున్న చిరు…ఈ సినిమా పూర్తయిన వెంటనే వేదాళం రీమేక్‌లో నటించనున్న సంగతి తెలిసిందే.

తాజాగా టీ టౌన్ వర్గాల నుండి అందుతున్న సమాచారం ప్రకారం ఈ సినిమాకు ముహుర్తం ఫిక్స్ అయినట్లు తెలుస్తోంది. నవంబ‌ర్ 18న చిత్రాన్ని లాంచ‌నంగా ప్రారంభించి ఆ వెంట‌నే చిత్రీక‌ర‌ణ మొదలు పెట్ట‌నున్న‌ట్టు టాక్. మెహ‌ర్ రమేష్ తెర‌కెక్కిస్తున్న ఈ చిత్రంలో చిరు చెల్లెలిగా కీర్తి సురేష్ న‌టించ‌నుంది.

కరోనా వ‌ల‌న దాదాపు ఏడు నెల‌ల పాటు ఇంటికే ప‌రిమిత‌మైన చిరంజీవి ఈ నెల 9 నుండి ఆచార్య సినిమా షూటింగ్‌లో పాల్గొననున్నాడు. ఒకే షెడ్యూల్ లో చిత్ర షూటింగ్ అంతా పూర్త‌య్యేలా మేక‌ర్స్ స‌న్నాహాలు చేస్తున్నారు.