మూడు దశల్లో బీహార్ ఎన్నికలు జరగనున్న సంగతి తెలిసిందే. మొత్తం 243 స్ధానాలుండగా ఆర్జేడీ,కాంగ్రెస్ నేతృత్వంలోని మహాకూటమి….నితిష్ కుమార్ సారథ్యంలో బీజేపీ కూటమితో తలపడనుంది. మొద‌టి విడ‌ట ఈనెల 28న, న‌వంబ‌ర్ 3, 7 తేదీల్లో రెండు, మూడో విడుత ఎన్నికలు జ‌రుగ‌నున్నాయి. న‌వంబ‌ర్ 10న ఫలితాలు వెల్లడికానున్నాయి.
ఈ నేపథ్యంలో బీహార్ ఎన్నికల్లో గెలుపు ఎవరిని వరిస్తుందా అని అంతా ఆసక్తిగా ఎదురుచూస్తుండగా కాంగ్రెస్ పార్టీ ముమ్మర ప్రచారానికి ఏర్పాట్లు చేసింది. 30 మందితో కూడిన స్టార్ క్యాంపెయినర్ల జాబితాను ప్రకటించింది.
సోనియాగాంధీ, రాహుల్‌, ప్రియాంక‌తోస‌హా బాలీవుడ్ న‌టులు శత్రుఘ్నసిన్హా, రాజ్‌బబ్బర్ , మాజీ ప్ర‌ధాని మ‌న్మోహ‌న్ సింగ్, పంజాబ్ ముఖ్య‌మంత్రి కెప్టెన్ అమ‌రింద‌ర్ సింగ్, రాజ‌స్థాన్ సీఎం అశోక్ గెహ్లాట్ కూడా ఉన్నారు. పార్టీ అసంతృప్త నేతలు గులాం నబీ ఆజాద్, సచిన్ పైలట్, సంజయ్ నిరుపమ్ తదితరుల పేర్లు కూడా ఆ జాబితాలో ప్రకటించింది. వీరంతా మూడు దశల్లో జరిగే ఎన్నికల ప్రచారంలో పాల్గొంటారని ఎన్నికల సంఘానికి నివేదించింది కాంగ్రెస్.
