రాష్ట్రంలో కరోనా పాజిటివ్ కేసుల సంఖ్య 68 వేలకు చేరువయ్యాయి. కొద్దిరోజులుగా పెరుగుతున్న కరోనా కేసులు అందరిని ఆందోళనకు గురిచేయగా తాజాగా 24 గంటల్లో పాజిటివ్ కేసులు తగ్గుముఖం పట్టాయి.
24 గంటల్లో 983 కరోనా పాజిటివ్ కేసులు నమోదుకాగా 11 మంది మృతిచెందినట్లు వైద్య ఆరోగ్య శాఖ హెల్త్ బులిటెన్‌లో పేర్కొంది. దీంతో ఇప్పటి వరకు తెలంగాణలో నమోదైన మొత్తం కరోనా కేసుల సంఖ్య 67,660కి చేరింది.
ప్రస్తుతం యాక్టివ్ కేసుల సంఖ్య 18,500 ఉండగా 48,609 మంది కరోనా మహమ్మారి నుండి కోలుకొని డిశ్చార్జ్ అయ్యారు. కరోనాతో 551 మంది మృతిచెందగా జీహెచ్ఎంసి పరిధిలో 273, కరీంనగర్ లో 54, రంగారెడ్డి 73, సంగారెడ్డిలో 37, వరంగల్ అర్బన్ లో 57 కేసులు నమోదయ్యాయి.
కరీంనగర్ జిల్లాకి చెందిన ఎమ్మెల్సీ నారదాసు లక్ష్మణ్ కు కరోనా పాజిటివ్ అని తేలింది. ఆయనతో పాటు ఇంట్లో వర్కర్లు, కుటుంబ సభ్యులతో సహా 8 మందికి కరోనా పాజిటివ్ అని తేలింది. పఠాన్ చెరు ఎమ్మెల్యే గూడెం మహిపాల్ రెడ్డికి కరోనా పాజిటివ్‌గా తేలింది.
