మరోసారి తన ఉదారతను చాటుకున్న సోనుసూద్..

కరోనా కష్టకాలంలో అండగా నిలబడుతూ తాను రీల్ లైఫ్‌లోనే విలన్‌ని రియల్‌లైఫ్‌లో హీరోని అనిపించుకున్న నటుడు సోనుసూద్. లాక్ డౌన్ సమయంలో వలసకూలీలు తమ స్వస్థలాలకు చేరేలా సాయం చేసిన సోనూ తర్వాత వైద్యులకు సాయం అందించారు. తాజాగా పోలీసులకు తనవంతు సాయం చేశారు.

ప్రాణాలకి తెగించి విధులు నిర్వ‌హిస్తున్న పోలీసులకి ర‌క్ష‌ణ క‌ల్పించేందుకు 25,000 ఫేస్ షీల్డ్స్‌‌ను మహారాష్ట్ర పోలీసులకు అందజేశారు. ఈ విషయాన్ని ట్విట్టర్ ద్వారా వెల్లడించారు. పోలీసు సిబ్బందికి 25,000 ఫేస్ షీల్డ్స్‌‌ను అందించిన సోనూసుద్ సహకారానికి ధన్యవాదాలు అంటూ ఆయ‌న‌తో క‌లిసి దిగిన ఫోటోని షేర్ చేశాడు.

లాక్‌డౌన్ స‌మ‌యంలో వలసకూలీలతో గంటల కొద్ది గడిపిన సోనూ ఆ అనుభవాలతో ఓ పుస్తకాన్ని కూడా రాయనున్నారు.