తగ్గిన బంగారం ధర…

కొద్దిరోజులుగా పెరుగుతున్న బంగారం ధరకు బ్రేక్ పడింది. తాజాగా హైదరాబాద్ మార్కెట్‌లో 10 గ్రాముల 22 క్యారెట్ల బంగారం ధర రూ. 140 తగ్గి 46,100కి చేరింది. 10 గ్రాముల 24 క్యారెట్ల బంగారం ధర రూ.140 తగ్గి రూ.50,710కి చేరింది.

అయితే పసిడి ధర తగ్గిన వెండి ధరలు మాత్రం పెరిగాయి. కిలో వెండి ధర రూ.1090 పెరిగి రూ.49,600కి చేరింది. నాణేల తయారీ నుంచి డిమాండ్ పెరగడంతో వెండి ధరలు పెరిగాయన్నారు.

కరోనా కారణంగా దేశంలో బంగారం అమ్మకాలు తగ్గాయి. అయినప్పటికీ కొన్ని రోజుల క్రితం వరకు ధరలు ఆకాశాన్ని తాకిన సంగతి తెలిసిందే. అయితే, పెరిగిన ధరలు క్రమంగా తగ్గుముఖం పడుతున్నాయి.